شاہی جوڑے کا شاہی حیثیت سے دستبرداری کا اعلان

prince-harry-meghan

برطانوی میڈیا کے مطابق برطانوی شاہی جوڑے نے اعلیٰ شاہی حیثیت سے دستبرداری کا اعلان کیا ہے۔ شاہی جوڑے کی جانب سے جاری بیان میں کہا گیا ہے کہ وہ مالی طور پر خودمختار ہونے کے لیے اقدامات کریں گے اور وہ اپنا وقت برطانیہ اور شمالی امریکا کے درمیان گزارنے کا ارادہ رکھتے ہیں۔

اس بیان سے قبل شاہی جوڑے نے ملکہ برطانیہ یا شہزادہ ولیم سمیت کسی شاہی خاندان کے فرد سے مشورہ نہیں کیا جس کے باعث بکنگھم پیلس ان کے اس فیصلے سے مایوس ہے۔ یہ بھی اطلاعات ہیں کہ شاہی خاندان کے سینئیر ارکان کو اس اعلان سے دکھ پہنچا ہے۔

شاہی جوڑے نے اپنے فیصلے کی تفصیلات اپنے انسٹاگرام اکاؤنٹ پر بھی پوسٹ کیں اور کہا کہ انھوں نے کئی ماہ تک غورو فکر اور باہمی تبادلہ خیال کے بعد یہ فیصلہ کیا ہے۔ بیان میں شاہی جوڑے کا کہنا تھا کہ ہم شاہی خاندان کے سینئیر ارکان کی حیثیت سے دستبردار ہونے اور مالی طور پر خود مختار ہونے کا ارادہ رکھتے ہیں، جبکہ ہم ملکہ برطانیہ کی مکمل معاونت اور حمایت جاری رکھیں گے۔

ذرائع

Leave a Reply

Your email address will not be published. Required fields are marked *