مہاتیر محمد کی وزیراعظم ہاؤس آمد، گارڈ آف آنر پیش کیا گیا

mahathir-Mohammad-in-pakistan-guard-of-honour

ملائیشین وزیراعظم مہاتیر محمد کے اعزاز میں وزیراعظم ہاؤس میں استقبالیہ تقریب کا انعقاد کیا گیا۔ مہاتیر محمد وزیراعظم ہاؤس پہنچے تو عمران خان نے ان کا استقبال کیا اور کابینہ اراکین سے تعارف کرایا۔

مسلح افواج کے دستے نے معزز مہمان کو گارڈ آف آنر پیش کیا اور مہاتیر محمد نے وزیراعظم ہاؤس میں پودا بھی لگایا۔ عمران خان اور ملائیشین وزیراعظم نے دوبدو ملاقات کی جس میں باہمی دلچسپی کے امور اور دو طرفہ تعلقات پر تبادلہ خیال کیا گیا جس کے بعد دونوں وزرائے اعظم نے اسلام آباد میں مشترکہ نیوز کانفرنس کی۔

ملائیشیا کے وزیراعظم ڈاکٹر مہاتیر محمد پاکستان کا 3 روزہ دورہ کررہے ہیں۔ وہ 23 مارچ کی تقریب میں بطور مہمان خصوصی شرکت کریں گے۔ ان کے دورے کے دوران پاکستان اور ملائیشیا کے مابین 4 معاہدوں پر دستخط ہوں گے، اور ملائشیا کی جانب سے 1 ارب ڈالر کی سرمایہ کاری کی امید کی جارہی ہے۔

تفصیلات

Leave a Reply

Your email address will not be published. Required fields are marked *