فوجی کارروائیوں کو سیاست کی نذر کرنے پر مودی حکومت پر تنقید

بھارت کی اپوزیشن جماعتوں نے فوجی اہلکار کی ہلاکت پر وزیر اعظم نریندر مودی کی حکومت کو تنقید کا نشانہ بناتے ہوئے کہا ہے کہ وہ انہیں وزیر اعظم سے سوالات کرنے سے نہیں روک سکتے۔

کانگریس کے صدر راہول گاندھی نے اپوزیشن کی مفاہمتی یادداشت پڑھ کر سنائی، جس میں کہا گیا کہ حکمران جماعت کی جانب سے مسلح افواج کی قربانیوں کو سیاست کی نذر کرنے پر 21 جماعتوں کے اجلاس میں گہرے غم و غصے کا اظہار کرتے ہوئے مطالبہ کیا گیا کہ نیشنل سیکیورٹی کو تنگ سیاسی فکر سے لازمی طور پر باہر نکلنا چاہیے۔

اپوزیشن نے کشیدہ صورتحال میں روایت کے مطابق وزیر اعظم نریندر مودی کی جانب سے آل پارٹیز کانفرنس نہ بلانے پر افسوس کا اظہار کیا۔

مفاہمتی یادداشت میں پلوامہ حملے میں 40 فوجی اہلکاروں کی ہلاکت پر تعزیت کرتے ہوئے سرحد پار حملوں پر بھارتی فضائیہ کو خراج تحسین پیش کیا۔

البتہ اجلاس کے دوران بھارتی فضائیہ کے ونگ کمانڈر ابھی نندن کو پاکستان کی جانب سے گرفتار کیے جانے پر گہری تشویش کا اظہار کیا گیا۔

مزید تفصیلات

Leave a Reply

Your email address will not be published. Required fields are marked *