کم جونگ ان غیر اعلانیہ دورے پر چین پہنچ گئے

kim-jong-un-china-visit-08012019

شمالی کوریا کے سربراہ کم جونگ ان غیر اعلانیہ دورے پر چین کے دارالحکومت بیجنگ پہنچے ہیں جہاں وہ امکان ہے کہ وہ چین کے صدر ژی جن پنگ سے ملاقات کریں گے۔

چین اور شمالی کوریا کے سرکاری ذرائع ابلاغ نے دورے کی تصدیق کردی ہے۔

اطلاعات کے مطابق کم جونگ ان پیر کی شام بذریعہ ٹرین چین کے لیے روانہ ہوئے تھے۔ منگل کی صبح بیجنگ کے مرکزی ریلوے اسٹیشن سے سخت سکیورٹی میں گاڑیوں کا ایک قافلہ نکلتے ہوئے دیکھا گیا جس کے بارے میں گمان ہے کہ وہ شمالی کوریا کے وفد کا تھا۔

شمالی کوریا کی سرکاری خبر رساں ایجنسی کے مطابق کم جونگ ان کے ہمراہ ان کی اہلیہ ری سول جو، اعلیٰ مذاکرات کار کم یونگ چول اور ری یونگ ہو کے علاوہ کئی اعلیٰ حکام بھی چین پہنچے ہیں۔

چینی حکام کا کہنا ہے کہ شمالی کوریا کے سربراہ کو اس دورے کی دعوت صدر ژی جن پنگ نے دی ہے جو جمعرات تک جاری رہے گا۔

مزید تفصیلات

Leave a Reply

Your email address will not be published. Required fields are marked *