جسٹس آصف سعید کھوسہ چیف جسٹس آف پاکستان مقرر، 18 جنوری کو حلف اٹھائیں گے

asif-saeed-khosa-appointed-new-chief-justice-pak-03-jan-2019

جسٹس آصف سعید کھوسہ 18 جنوری کو پاکستان کے نئے چیف جسٹس کا عہدہ سنبھالیں گے۔

صدر عارف علوی نے بدھ کے روز اُن کی تقرری کے کاغذات پر دستخط کیے، جو وزارت قانون نے پیش کیے تھے۔

اٹھارہ جنوری کو ایوانِ صدر اسلام آباد میں عہدے پر تعیناتی کی ایک باضابطہ تقریب منعقد ہوگی، جس میں جسٹس آصف سعید کھوسہ اپنے عہدے کا حلف اٹھائیں گے۔

اس سے ایک روز قبل، 17 جنوری کو پاکستان کے موجودہ چیف جسٹس میاں ثاقب نثار ریٹائر ہوں گے۔

آصف سعید کھوسہ 21 دسمبر 1954ء کو ڈیرا غازی خان میں پیدا ہوئے۔

اُنھوں نے 1969ء میں ملتان ثانوی تعلیمی بورڈ سے میٹرک کا امتحان پاس کیا اور بورڈ میں پانچویں پوزیشن حاصل کی۔ اُنھوں نے گورنمنٹ کالج، لاہور سے انٹرمیڈئیٹ کے امتحان میں لاہور بورڈ میں پہلی پوزیشن حاصل کی۔

سال 1973 میں آصف کھوسہ نے گورنمنٹ کالج لاہور سے بی اے کا امتحان دیا اور پنجاب یونیورسٹی میں پہلی پوزیشن حاصل کی۔ اُنھوں نے 1975ء میں پنجاب یونیورسٹی سے ’انگریزی زبان و ادب‘ میں ماسٹرز کی ڈگری حاصل کی۔

اس کے بعد وہ ’کوئینز کالج کیمبرج‘ میں زیر تعلیم رہے، جہاں سے اُنھوں نے ’ماسٹر آف لا‘ کی ڈگری حاصل کی، جب کہ اُن کی اسپیشلائزیشن کا مضمون ’پبلک انٹرنیشنل لا‘ تھا۔ بعدازاں، اُنھیں لندن کی ’لنکنز اِن سوسائٹی‘ نے 26 جولائی 1979ء کو بار کا اعزاز بخشا۔

 جب تین نومبر 2007ء میں جنرل مشرف نے ملک میں ہنگامی حالت کا نفاذ کرتے ہوئے آئین معطل کیا اور اعلیٰ عدلیہ کے ججوں کو ’عبوری آئینی حکم نامے‘ (پی سی او) کے تحت پھر سے حلف لینے کے احکامات دیے۔ جسٹس کھوسہ نے بھی دوبارہ حلف لینے سے انکار کیا۔ ان کو عہدے سے ہٹایا گیا۔

مزید تفصیلات

Leave a Reply

Your email address will not be published. Required fields are marked *