سعودی فرمان روا کی قطری امیر کو خلیج تعاون اجلاس میں شرکت کی دعوت

saudi-king-invites-qatar-amir-gcc-summit-dec-2018

سعودی عرب کے فرمان روا شاہ سلمان نے 9 دسمبر کو ریاض میں ہونے والی خلیج تعاون کونسل (جی سی سی) کے سربراہی اجلاس میں شرکت کے لیے قطر کے امیر شیخ تمیم بن حمد الثانی کو بھی دعوت دے دی جن سے جون 2017 سے سفارتی اور معاشی تعلقات منقطع ہیں۔

قطری نشریاتی ادارے الجزیرہ کی رپورٹ کے مطابق سرکاری نیوز ایجنسی کا کہنا تھا کہ امیر قطر کو سعودی عرب کے فرمان روا کی جانب سے اجلاس میں شرکت کا دعوت نامہ موصول ہوا ہے۔

سعودی عرب کی جانب سے یہ دعوت ایک ایسے موقع پر دی گئی ہے جب قطر نے ایک دن پہلے تیل برآمد کرنے والے ممالک کی تنظیم (اوپیک) سے دستبردار ہونے کا فیصلہ کیا تھا۔

جی سی سی کے اجلاس میں شرکت کے لیے دعوت نامہ قطر کے وزیرمملکت برائے خارجہ امور سلطان بن سعد المریخی کی جانب سے دیے گئے ایک عشایے میں تنظیم کے بحرینی سیکریٹری جنرل عبداللطیف بن راشد الزیانی نے پہنچایا۔

قطر کی جانب سے تاحال ایسا کوئی بیان جاری نہیں کیا گیا ہے کہ آیا امیر قطر اجلاس میں شرکت کے لیے سعودی عرب جائیں گے یا نہیں۔

مزید تفصیلات

Leave a Reply

Your email address will not be published. Required fields are marked *